Исроил Мадримовнинг навбатдаги рақиби ва жанг санаси аниқ бўлгани ҳақида хабарлар тарқалди

Ҳамюртимиз 21 декабрь куни Саудия Арабистонининг Ар-Риёд шаҳрида ташкил этиладиган Усик-Фьюри II оқшомида рингга кўтарилиши мумкин. Унга ўша турнирда украиналик Сергей Богачук рақиб бўлади. Айни пайтда томонлар жанг бўйича музокараларга киришгани маълум қилинди.

Бу ҳақида бокс инсайдери Фернандо Сабатини ўзининг Твиттердаги саҳифаси орқали хабар бермоқда.

Аввалроқ, Турки Ал ал-шайхнинг ҳам юртдошимизнинг Ар-Риёддаги оқшом доирасида жанг қилишини хоҳлаётгани ҳақида хабар берган эдик.

Эслатиб ўтамиз, Мадримов (10-1-1) ўзининг сўнгги жангини 4 август куни америкалик Теренс Кроуфордга қарши ўтказиб, очколар ҳисобига кўра мағлуб бўлганди. Украиналик 29 ёшли Сергей Богачук (24-2-0) эса ўзининг охирги жангини Вержил Ортисга қарши ўтказиб, имкониятни бой берган эди.