01 сен 15:48
Янгиликлар

Бокс/ММА

Исроил Мадримов Фьюри — Усик II андеркардида жанг қилиши мумкин!

Исроил Мадримрв кейинги жангини декабрь ойида ўтказиши мумкин.

Промоутер Эдди Хирннинг айтишича, Турки Ал ал-шайх 21 декабрь куни Саудия Арабистонининг Ар-Риёд шаҳридаги "Kingdom Arena" мажмуасида ташкил этиладиган бокс оқшомида супер ярим ўрта вазн тоифасида WBA собиқ чемпиони Исроил Мадримов жанг қилишини хоҳлайди.

"Турки бизга ва Мадримовга қўнғироқ қилиб, "Мен сизларни 21 декабрга мўлжалланган кардда бўлишингизни истардим. Умид қиламанки, бу содир бўлади ва биз супер ярим ўрта вазндаги катта жангларни давом эттирамиз", деб айтди", деди Хирн.

Мазкур оқшомнинг марказий жанги украиналик Александр Усик ҳамда британиялик Тайсон Фьюри ўртасида кечади.

Аввалроқ, Мадримовнинг ўзи Кроуфорд билан реванш жангини хоҳлашини айтган эди. Бироқ Теренсни энди фақатгина Сауль Альварес билан жанг қизиқтирмоқда.