Эдди Хирн: "Кроуфорд битта жанг учун рози, у Мадримов эмас!"

Америкалик 36 ёшли боксчи мексикалик афсона Сауль "Канело" Альварес билан жанг учунгина рингга қайтади. Теренс енгил, биринчи яримўрта, яримўрта ва биринчи ўрта вазн тоифаларида ўз жангларини ўтказиб келяпти. 

"Кроуфорд фақат Канело Альварес билан жанг қилмоқчи. Уни бошқа ҳеч ким қизиқтирмайди. Виржил Ортис билан жанг ҳам унга қизиқ эмас. Исроил Мадримовга ҳам реванш бермайди. Теренс аниқ Жарон Эннис билан жанг ўтказмайди. Яна ким бор? Себастьян Фундора? Йўқ, у катта даромад келтирадиган жангни хоҳлаяпти. Кроуфордни Канелодан бошқа жанглар қизиқтирмайди", — дея Хирннинг сўзларини келтиради vRINGe.com.

Эслатиб ўтамиз, Кроуфорд сўнгги жангини 4 август куни ҳамюртимиз Исроил Мадримовга қарши ўтказиб, 12 раунд тўлиқ давом этган баҳсда очколар ҳисобига кўра ғалаба қозонган эди.