Истам Қудратов: "-71 кг вазнда биринчи марта жанг қилишим"

Жанговор самбо бўйича  -71 кг вазн тоифасида терма жамоамизга бронза медалини тақдим этган Истам Қудратов тақдирлаш маросимидан сўнг иштироки ҳақидаги фикрларини билдириб ўтди.

“Чемпионатдаги барча рақибларим жуда ҳам кучли эди. Уларнинг ҳар бири жаҳон чемпионатига пухта тайёрланиб келгани сезилди. -71 кг вазн тоифасида биринчи марта жанг қилишим, шунинг учун ҳам баҳслар мен учун жуда қийин кечди. Ўз уйингда ҳатто деворлар ҳам ёрдам беради, деган гап бор. Лекин бунинг ўзига яраша босими ҳам бўлади, албатта. Машғулотлар ҳар доимгидек аъло даражада бўлди. Аммо мен ўз иштирокимдан қониқмадим, негаки, олдимга қўйган мақсадим олтин медаль эди. Аллоҳ менга шу даражани муносиб кўрган экан, албатта, буни хурсандчилик билан қарши оламан. Ўзбекистон самбо терма жамоаси чемпионатга яхши тайёргарлик кўрди. Мазкур мусобақа терма жамоамиз учун омадли келди десам адашмаган бўламан. Мени қўллаб турган ҳаммага раҳмат. Ўзбекистон самбо ассоциацияси ҳамда ота-онамга алоҳида миннатдорчилик билдираман", - деди Қудратов.