Истомин Коламбусдаги иштирокидан қанча ишлаб олди?

Денис мукофот жамғармаси 54 160 АҚШ долларини ташкил этувчи мусобақанинг ҳал қилувчи финалида америкалик Жеффри Вольфга қарши кортга чиқиб, 4:6, 2:6 ҳисобида имкониятни бой бериб қўйган эди.

Турнирда бешинчи рақам остида ҳаракат қилган ҳамюртимиз баҳс давомида 9 та эйс зарбасини амалга оширди. Рейтингда Денисдан икки поғона юқорида турган Вольф эса битта ҳам эйсни амалга ошира олмаганди. Бу теннисчиларнинг ўзаро ўтказган илк учрашуви бўлди.

Коламбусдаги муваффақиятли иштирок Жей Вольфга 7,200 АҚШ доллари миқдоридаги мукофот пули ҳамда 80 рейтинг очкосини тақдим этди. Истомин эса вице-чемпион сифатида 4,240 доллар ҳам 48 рейтинг очкосини қўлга киритди.