15 май 07:02
Янгиликлар

Теннис

Истомин фаолиятини якунламабди. У Кутаиси турнири 1/2 финалида!

Мамлакатимизнинг собиқ биринчи ракеткаси, ўзбек тенниси тарихида ёрқин из қолдира олган Денис Истомин профессионал фаолиятини ҳали якунламаган.

Ҳамюртимиз Грузиянинг Кутаиси шаҳрида ўтказилаётган М25 тоифасига кирувчи турнирнинг жуфтликлар баҳсларида иштирок этяпти. Истомин яна бир теннисчимиз Максим Шин билан жуфтликда 1/2 финал иштирокчисига айланди.

Истомин/Шин тандеми 71 дақиқа давом этган 1/4 финал учрашувида турнирнинг тўртинчи рақамли жуфтлиги - испанияликлар Жон Эчеверрия ва Де Фелипе Гарсия ҳамкорлигини 6/2, 6/4 ҳисобида мағлубиятга учратди.

Бугун улар финал чиптаси учун кипрлик Неос Элефтериос ҳамда россиялик Семен Панкин жуфтлигига қарши кортга чиқадилар. Ушбу учрашув бизнинг вақт билан соат 12:30да бошланади.