Жаррелл Миллер ва Тони Йока Гана пойтахтида жанг қилади

WBA рейтингида биринчи ўринда турган америкалик оғир вазнли боксчи, 37 ёшли Жаррелл Миллер 20 декабрь куни Гананинг Аккра шаҳрида рингга кўтарилади. Унинг рақиби — 2016 йилги Олимпиада чемпиони, 34 ёшли франциялик Тони Йока. Тони ўтган ёзда Москвада Мурат Гассиевга қарши WBA камари учун жанг қилиши керак эди. Бироқ Йока жароҳатини сабаб қилиб, Россия пойтахтига учишдан сўнгги дақиқада бош тортган.

"Йилни якунлаш учун ажойиб жанг. Бу оғир вазнлилар ўртасидаги боксдаги ғайриоддий ойнинг кульминацияси бўлади. Жаррелл Миллер рейтингда биринчи ўринда. Олимпиада чемпиони устидан қозонилган ғалаба унга 2027 йилда йирик бокс кечаларида иштирок этиш имконини очиши шубҳасиз. Ҳақиқий тўқнашув кутиб турибди!" деди Миллернинг промоутери Эдди Ҳирн.