БАА қонунлари бўйича Усман Нурмагомедовни қандай жазо кутаётгани айтилди

Доғистонликка грузиялик Мераб Двалишвилига уюштирган ҳужуми ортидан бир йилгача озодликдан маҳрум этилиши ёки тахминан 2700 доллар миқдорида жарима солиниши мумкин, деб хабар бермоқда Home of Fight ўзнинг X ижтимоий тармоғидаги саҳифасида.

Бунда ушбу моддани қўллаш учун Мераб Двалишвилининг аризаси талаб этилмайди — асос сифатида видео далилларнинг ўзи етарли бўлиши мумкин.

Ҳозирда полиция Усманни, шунингдек, ҳодисанинг бошқа иштирокчиларини сўроқ қилмоқда. Агар ҳуқуқни муҳофаза қилиш органлари россиялик жангчининг айбини тасдиқласа, унга юқорида кўрсатилган жазолар таҳдид қилиши мумкин.

Бундан ташқари, 392-моддага кўра, уч ёки ундан ортиқ киши томонидан амалга оширилган ҳужум оғирлаштирувчи ҳолат ҳисобланади.

Эслатиб ўтамиз, кеча, 11 ноябрь куни Абу-Дабидаги меҳмонхоналардан бирида жанжалли ҳодиса содир бўлди. Унда енгил вазнда (70 кг гача) PFL чемпионилик камари соҳиби ҳисобланган Усман Нурмагомедов ва унинг жамоаси собиқ UFC чемпиони, грузиялик Мераб Двалишвилига ҳужум қилиб, уни ва дўстларини дўппослаганди.