Илия Топурия Усман Нурмагомедовнинг ҳибсга олингани ҳақида хабар берди

"Сизлар бир гуруҳ қўрқоқсизлар ва энди қилган ишингиз учун жавоб берасизлар. Сизларни ҳақиқий эркаклар деб аташ мумкин эмас. Бу қилмишингизни нима дейишни халқни ўзи айтяпти", деб ёзди "Эл Матадор" ижтимоий тармоқдаги саҳифасида.

"Олинган маълумотларга кўра, Усман ўзининг ёнида бўлган қўрқоқлар билан бирга ҳибсга олинган. Бу кимки, камтарлик ва ҳурматни тарғиб қилишга журъат этади? Қандай шармандалик. Ҳақиқий қўрқоқлар тўдаси.

Мен сизларни ҳар доим ўртамиёна жангчилар деб ҳисоблаганман. Энди сиз сўнгги шубҳаларни ҳам бартараф этдингиз. Ҳурмат ва камтарлик - бу сиз томондан тарғиб қилиниши керак бўлган сўзлар эмас. Булар яшаш керак бўлган қадриятлардир. Ва сиз улардан бирортасини ҳам кўрсатмадингиз", дея қўшимча қилди испан-грузин жангчиси.

Эслатиб ўтамиз, кеча Мераб Двалишвили Абу-Дабидаги меҳмонхона кираверишида интервью бериб турган бир пайтда Усман Нурмагомедов жамоадошлари билан келиб, ҳеч нарсадан йўқ грузияликни уриб кетганди. Кейинроқ интернетда ҳодиса видеоси пайдо бўлди, у Нурмагомедовнинг грузияликка берган шапалоғи билан бошланган. Мерабнинг юзи қонга беланганди.