Усик фаолиятидаги энг қийин рақибни айтди. Бу на Фьюри ва на Верховен

Украиналик боксчи биринчи оғир вазн WBС йўналишида собиқ жаҳон чемпиони, 43 ёшли британиялик Тони Бельюни фаолиятидаги энг қийин рақиб деб ҳисоблашини маълум қилди. Тони ва Александр ўртасидаги жанг 2018 йил 10 ноябрда Буюк Британияда бўлиб ўтган эди. Жанг Усикнинг саккизинчи раунддаги нокаутли ғалабаси билан якунланганди.

"Тони Белью. Катта юракли, жасур ва ақлли боксчи", — дея Усикнинг сўзларини келтиради Boxing News портали.

Маълумот учун, Усик профессионал фаолиятида 25 та ғалабага эришган (шундан 16 таси муддатидан олдин) ва бирор марта ҳам мағлуб бўлмаган. Александр проф-рингдаги дебютини 2013 йил ноябрь ойида ўтказган. Спортчи 2012 йилги Олимпия ўйинлари чемпиони, шунингдек, 2011 йилги жаҳон ва 2008 йилги Европа чемпионати ғолиби ҳисобланади. Усик, шунингдек, Украинада хизмат кўрсатган спорт устаси унвонига ҳам сазовор бўлган.