Царукян ва Чимаев жанг қилган RAF 14 турнирининг барча натижалари

Оқшом доирасида россиялик енгил вазн тоифаси вакили Арман Царукян тўполончи Диллон Денис устидан ишончли ғалаба қозониб, ўрта вазн тоифасида RAF кроссовери чемпиони бўлди. Ўлчамлар бўйича сезиларли устунликка қарамай, америкалик грепплер Арманга ҳеч қандай қаршилик кўрсата олмади. Царукян техник устунлик билан 10-0 ҳисобида ғалаба қозонди.

Беллашув охирида асли келиб чиқиши арманистонлик бўлган Арман бир кун аввал матбуот анжуманида оммавий муштлашувга сабаб бўлган америкаликни намойишкорона босиб олди, аммо бу сафар хавфсизлик хизмати тезда ҳаракат қилиб, можаронинг авж олишига йўл қўймади ва тадбир хедлайнерлари охир-оқибат бир-бирларининг қўлларини сиқишди.

Турнирнинг иккинчи муҳим баҳсида Хамзат Чимаев ўзи сингари ярим ўрта вазн тоифасида собиқ UFC чемпиони Робби Лоулерни осонликча мағлуб этди. Ўн бир очколик устунлик Хамзатга техник ғалаба тақдим этди.

Қолган натижаларга тўхталадиган бўлсак, ўрта вазн тоифасида Bellator собиқ чемпиони Александр Шлеменко кутилмаганда UFC жангчиси Брендан Алленга муддатидан аввал имкониятни бой берди.

Олимпиада чемпиони, олти карра жаҳон чемпиони Жордан Барроуз ҳам кутилмаганда 5-7 ҳисобида америкалик ватандоши, талабалар мусобақаларидаги иштироки билангина мақтана оладиган Майкл Калиендога ютқазиб қўйди. 

RAF 14 турнирининг барча натижалари:

Арман Царукян Диллон Дэнисни техник устунлик билан 10-0 ҳисобида мағлуб этди

Хамзат Чимаев Робби Лоулерни техник устундлик эвазига 11-0 ҳисобида таслим этди

Лусия Йепес рақибаси Сара Хильдебрандтни 8-7 ҳисобида енгди

Себастьян Ривера Вито Аруджаудан қўшимча кўрсаткичлар бўйича устун келди - 11-11

Майкл Калиендо Жордан Барроузни 7-5 ҳисобида мағлубиятга учратди

Риж Ловетт Жордан Оливерани техник устунлик эвазига мағлуб этди - 13-2

Йонгер Бастида Зак Эламдан 9-1 ҳисобида устун келди

Ахмед Гаджимагомедов Мехи Льюисни 5-4 ҳисобида енгди

Белла Мир рақибаси Хоуп Чейздан техник устунлик эвазига 10-0 ҳисобида устун келди 

Пэт Дауни Магомед Магомедкеримовни иккинчи бўлимда туше усулида, яъни муддатидан аввал мағлубиятга учратди 

Брендан Аллен Александр Шлеменкони техник устунлик ҳисобига мағлуб этди - 10-0

Дилан Рагусин Хуан Арчулетани техник устунлик ҳисобига ютди - 10-0.