Волкановски Жастин Гэтжига камаридан воз кечишни таклиф қилди

Австралиялик америкалик жангчи билан октагонга чиқишдан олдин чемпионлик унвонларидан воз кечишлари мумкинлигини ўйламоқда.

"Биласизми, Гэтжи ҳали ўзи нима хоҳлаётганини аниқлаб олгани йўқ. Эҳтимол, агар у яна битта жанг ўтказишга қарор қилса, мен унинг рақиби бўлишим мумкин. Биз супержанг ташкил қилардик, сўнгра чемпионлик камарларидан воз кечиб, фаолиятимизни якунлардик. Дивизионлар бизсиз ҳам ўзаро масалани ҳал қилиб олишади, биз эса супержанг билан гўзал, эртакнамо якун ясаб, хайрлашамиз.

Ўйлашимча, Гэтжига қарши жанг қўшимча рекламага муҳтож эмас. Ҳатто чемпионлик унвонларини хавф остига қўйишимиз шарт эмас ҳам, мен айнан шундай вариантни афзал кўрган бўлардим. Ишончим комил, илгари ҳеч қачон бўлмаган гўзал тарих юзага келган бўларди, шу билан бирга биз ўз дивизионларимизни ушлаб турмаган бўлардик. Мен доимо дивизионларни тўхтатиб қўйишни истамаслигимни айтганман ва агар жангдан олдин камарлардан воз кечсак, чемпионлик жанглари учун кўплаб вариантлар пайдо бўлади.

Шунинг учун ҳам ўйлаб қолдим: "Эҳтимол, UFC бунга қарши эмасдир". Биз супержанг ўтказишимиз мумкин эди, қолган барча жанглар эса ўз йўлида давом этаверарди. Шунчаки бу жуда зўр бўлиши ва уни амалга ошириш тўлалигича мумкинлиги менга туюлди. Табиийки, кўпчилик дарҳол бу ғояни илиб олди, уни қизғин муҳокама қила бошлади ва энди мендан бу ҳақда тез-тез сўрашмоқда", – деди австралиялик жангчи MMA Junkie нашрига берган интервьюсида.

Агар Александр Волькановский шу дам олиш кунлари Абу-Дабидаги UFC 333 турнирида ярим енгил вазн тоифасидаги чемпионлик камарини россиялик Мовсар Евлоевга қарши жангда ҳимоя қила олмаса, унинг режаси барбод бўлади.