Мовсар Евлоев: "UFC’да муддатидан олдин бирорта ҳам ғалабам йўқ, аммо..."

Мовсар Евлоев жангни муддатидан олдин якунламасдан ҳам томошабоп беллашув кўрсатиш мумкин, деб ҳисоблайди.

"UFC’да муддатидан олдин бирорта ҳам ғалабам йўқ, аммо чемпионлик камари учун жанг қиляпман. Бу эса фақат муддатидан олдинги ғалабалар муҳим эмаслигини англатади. Яхши жанг кўрсатиш ҳам муҳим.

Ҳатто жангни муддатидан олдин якунламасангиз ҳам, курашнинг гўзаллигини намойиш этишингиз мумкин. Фақат қон ва қандайдир ақлдан оздирадиган воқеаларни кўришни истайдиган мухлисларгина йўқ. ММАни биладиган ва тушунадиган мухлислар ҳам кўп. Балки айнан улар туфайли мен ҳали ҳам UFC’даман", — деди Евлоев.