12 ноя 14:26
Янгиликлар
Лос-Анжелес-2028: Ўзбекистон аёллар терма жамоасининг Олимпиада саралашидаги рақиблари маълум
Қуръа натижаларига кўра, Ўзбекистон аёллар миллий терма жамоаси "А" гуруҳидан жой олди. Ҳамюртларимиз Олимпиада йўлланмаси учун Япония, Австралия ва Хитой Тайпейи терма жамоаларига қарши кураш олиб боради.
Саралаш босқичи 2027 йилнинг 19 апрель куни башланиб, 4 декабрга қадар давом этади. Гуруҳдаги ҳар бир терма жамоа 6 тадан ўйин ўтказади. Шундан 3 таси ўз майдонида, қолган 3 таси эса сафарда ташкил этилади.
Регламентга кўра, ҳар икки гуруҳ ғолиби Лос-Анжелес—2028 Олимпиада ўйинларига тўғридан-тўғри йўлланмани қўлга киритади. Иккинчи ўринни эгаллаган терма жамоалар эса 2028 йилнинг 28 февраль ва 4 март кунлари плей-офф босқичида ўзаро беллашади. Ушбу қарама-қаршилик ғолиби Аргентина терма жамоасига қарши қитъалараро саралаш ўйинида иштирок этади.
Фикрлар