01 окт 17:19
Янгиликлар

Теннис

Истомин Нур-Султандаги илк учрашувини германиялик теннисчига қарши ўтказади

Қозоғистоннинг Нур-Султан шаҳрида теннис бўйича "Челленжер" туркумига кирувчи турнир давом этмоқда.

Ушбу мусобақанинг асосий тўр баҳсларида мамлакатимизнинг биринчи ракеткаси Денис Истомин ҳам ўз маҳоратини намойиш этади. Ҳамюртимиз бироздан сўнг жуфтлик баҳсларидаги иштирокини бошлайди. Денис россиялик бир неча йиллик ҳамкори Михаил Елгин билан жуфтлик ҳосил қилган.

Истомин яккаликдаги илк учрашувини эса эртага ўтказади. Дениснинг рақиби германиялик Юлиан Ленц бўлади. Айни пайтда теннисчимиз ATP рейтингида 164, Ленц эса 264-ўринни эгаллаб турибди. Яъни, Истомин рейтинг жадвалида рақибидан роппа-роса 100 поғона юқорида жойлашган.