06 сен 07:11
Янгиликлар
Теннис
Истомин Нью-Хевен турниридаги иккинчи учрашувини ўтказди
АҚШнинг Нью-Хевен шаҳрида теннис бўйича “Челленжер” туркумига кирувчи турнир бўлиб ўтмоқда.
Соврин жамғармаси 162 480 долларни ташкил қилувчи мусобақада ҳамюртимиз Денис Истомин ҳам иштирок этди. Мамлакатимизнинг биринчи ракеткаси Нью-Хевен турнирида саккизинчи рақам остида сараланган эди.
Афсуски, Денис нимчорак финал босқичида турнирнинг тўққизинчи ракеткаси, америкалик Хиронга ютқазиб қўйди. Икки соату 21 дақиқа давом этган баҳсда ҳамютимиз рақибга 6:2, 6:7(1), 3:6 ҳисобида имкониятни бой берди.
Эслатиб ўтамиз, Денис ўз иштирокини тўғридан-тўғри иккинчи босқичдан бошлаган бу даврада америкалик тажрибали теннисчи Дональд Янгни мағлубиятга учратган эди.
Таққослаш учун, Истомин дунё рейтингида 139, Янг 197, Хирон эса 151-ўринни эгаллаб турибди.
Ҳавола :
Манба : olamsport.com
Фикрлар