16 июл 07:06
Янгиликлар

Теннис

Истомин Ньюпорт турниридаги иштирокини бошлабоқ тугатди

АҚШнинг Ньюпорт шаҳрида теннис бўйича ATP турнирининг асосий тўр баҳслари давом этмоқда.

Соврин жамғармаси 652 245 долларни ташкил этувчи турнирда ҳамюртимиз Денис Истомин ҳам иштирок этди. Мамлакатимизнинг биринчи ракеткаси илк даврада америкалик Теннис Сандгренга қарши кортга чиқди.

Афсуски, 2 соату 18 дақиқа давом этган учрашувда Истомин рақибига 4:6, 7:5, 4:6 ҳисобида имкониятни бой бериб қўйди ва мусобақадаги иштирокини якунлади.

Таққослаш учун, Денис Истомин ATP рейтингида 107, Сандгрен эса 72-ўринни эгаллаб турибди. Теннисчилар шу кунгача ўзаро учрашишмаган эди.