11 окт 16:35
Янгиликлар
Теннис
Истомин "Тошкент Челленжер"ни ғалаба билан бошлади
Пойтахтимиздаги Республика олимпия захиралари теннис мактаби кортларида анъанавий “Тошкент Челленжер” мусобақаси давом этмоқда.
Соврин жамғармаси 125 минг долларни ташкил қилувчи ушбу турнирда дунёнинг 20дан зиёд давлатидан кўзга кўринган теннисчилар иштирок этяпти.
Ушбу турнирнинг амалдаги ва шу билан бирга икки карра ғолиби Денис Истомин яккаликдаги иштирокини бошлади. Унинг рақиби асли ўзбекистонлик айни пайтда Франция шарафини ҳимоя қилаётган Глеб Сахаров бўлди.
Истомин икки сетда бир хил 6:3, 6:3 ҳисобида ғалаба қозониб кейинги босқичга йўл олди.
Ҳамюртимизнинг иккинчи даврадаги рақиби Украина шарафини ҳимоя қилаётган теннисчи Денис Молчанов бўлади. ATP рейтингида 101-ўринни эгаллаб турган теннисчи бугун Александр Василенкони икки сетда таслим қилди - 7:6, 7:6.
Ҳавола :
Манба : olamsport.com
Фикрлар