14 окт 08:20
Янгиликлар
Теннис
Истомин ва Елгин “Тошкент Челленжери” финалига чиқди
Пойтахтимиздаги Республика олимпия захиралари теннис мактаби кортларида давом этаётган анъанавий “Тошкент Челленжер” мусобақаси ўзининг ҳал қилувчи палласига кирди.
Соврин жамғармаси 125 минг АҚШ долларини ташкил қилувчи ушбу турнирнинг жуфтликлар мусобақасида ярим финал учрашувлари ўтказилди. Ярим финалга етиб келган ва ўзбекистонлик теннисчилар ҳаракат қилган иккита жуфтликдан бири финалга чиқди.
Россиялик Михаил Елгин билан жуфтлик хосил қилган Денис Истомин ярим финалда беларуслик Александр Бури ҳамда швециялик Андреас Сильжестром тандемини 3:6, 6:4, тай-брекда 10:8 ҳисобида мағлуб этди.
Истеъдодли теннисчиларимиз Жўрабек Каримов ва Санжар Файзиевдан иборат жуфтлик эса ярим финалда Андре Бегаманн ҳамда машҳур Леандер Паэсдан иборат жуфтликка 2:6, 0:6 ҳисобида имкониятни бой берди.
Ҳавола :
Манба : olamsport.com
Фикрлар