Истомин Хитойдаги "Челленжер"да россиялик рақибга қарши ўйин ўтказди

Мусобақада ҳамюртимиз Денис Истомин ҳам иштирок этиши ҳақида аввалроқ хабар қилгандик. Теннисчимиз чемпионатга иккинчи даврадан қўшилди. У турнирдаги илк ўйинини россиялик Роман Сафиуллинга қарши ўтказди. 

Роппа-роса 2 соат давом этган ўйиндан сўнг Истомин учрашувни давом эттира олмаслигини маълум қилди. Бунгача ҳисоб 4:6, 7:5, 2:0 кўринишида Сафиуллин фойдасига ҳал бўлаётганди. 

Таққослаш учун, Истомин жаҳон рейтингида 175, Сафиуллин эса 236-поғонани эгаллаб турибди. 

Эслатиб ўтамиз, ушбу мусобақада бошқа бир теннисчимиз Ҳумоюн Султонов ҳам иштирок этиб, битта ғалаба ва битта мағлубият билан турнирдаги иштирокини якунлади.