19 июн 09:37
Янгиликлар

Теннис

Истоминнинг Британиядаги бугунги рақиби аниқланди

Буюк Британиянинг Илкел шаҳрида теннис бўйича “Челленжер” туркумига кирувчи турнирнинг асосий тўр баҳслари бошланди.

Соврин жамғармаси 137 560 еврони ташкил қилувчи ушбу мусобақада мамлакатимизнинг биринчи ракеткаси Денис Истомин ҳам иштирок этади. Ҳамюртимиз турнирда тўртинчи рақас остида сараланди ва ўз иштирокини тўғридан-тўғри иккинчи босқичда бошлайди.

Бугун Истомин иккинчи давра учрашувида чехиялик Лукаш Росолга қарши кортга чиқади. Кеча Росол илк босқичда австриялик Себастьян Оффнерни 6/7(8), 6:3, 7/6(2) ҳисобида мағлуб этди.

Таққослаш учун, Росол ATP рейтингида 137, Оффнер 142, Истомин эса 105-ўринни эгаллаб турибди. Росол - Истомин баҳси бугун Тошкент вақти билан соат 19:30да бошланади.