Истоминнинг Истанбулдаги иккинчи учрашуви уч сет давом этди

Мусобақада мамлакатимизнинг биринчи ракеткаси Денис Истомин ҳам муваффақиятли иштирок этяпти. Ҳамюртимиз яккалик турниридаги иккинчи учрашувини ўтказди. Денис ҳозиргина якунига етган баҳсда италиялик Роберто Маркорага қарши кортга чиқди. 

Қувонарлиси, теннисчимиз 2 соату 26 дақиқа давом этган драматик учрашувда Маркорани 3:6, 6:3, тай-брекда 7:6(11:9) ҳисобида мағлубиятга учратди. Истомин дунё рейтингида 182, Маркора эса 180-ўринни эгаллаб турибди.    

Таъкидлаш жоиз, Денис учрашув давомида бир неча маротаба матч-болдан чиқиб кетди. Ўзи ҳам матч-болга эга бўла туриб, бундан фойдалана олмади. Энди Истомин чорак финалда қозоғистонлик Александр Недовесовга қарши кортга чиқади.