15 янв 10:17
Янгиликлар

Велоспорт

Италиянинг Bardiani-CSF 7 Saber велоспорт клуби Ўзбекистон терма жамоасининг икки нафар аъзосини ўз сафига қўшиб олди (ФОТО)

Кеча хабар берганимиздек, Ўзбекистоннинг 7 Saber спорт брэнди эндиликда Италиянинг Bardiani-CSF профессионал велоспорт клубига ҳомийлик қилади.

Клуб расмий саҳифалари ўзбекистонлик икки велоспортчи билан шартнома тузилгани ҳақида хабар берди.

Унга кўра, яқиндагина Ўзбекистон сафига ўтган Сергей Ростовцев ва терма жамоанинг яна бир аъзоси Никита Цветков энди Bardiani-CSF 7 Saber шарафини ҳимоя қилади. Клуб велошоссе йўналишидаги турнирларда қатнашади.

Ростовцев ҳам, Цветков ҳам Ўзбекистон сафига Россиядан ўтганини таъкидлаш лозим.

Bardiani–CSF 7 Saber профессионал велоспорт жамоасига 1982 йилда Италияда асос солинган. Маълумот учун, жамоа аъзолари ўз вақтида Giro d'Italia, UAE Tour каби нуфузли велопойгаларда муваффақиятга эришган.