04 апр 10:19
Янгиликлар

Теннис

ITF Олимпиада учрашувлари форматини ўзгартирди

Халқаро теннис федерацияси Олимпиада ўйинлари формати ўзгарганини маълум қилди.

Ушбу ўзгариш Токио-2020 Олимпиадасидан бошлаб кучга киради. Унга кўра, эркаклар ва аёллар ўртасидаги турнирнинг финал учрашувлари ҳозиргидек беш сетли эмас, уч сетли форматда ўтказилади.

Яъни, финал учрашуви бир теннисчининг икки сетни ўз фойдасига ҳал қилгунига қадар давом этади. Шу кунгача томонлар учта сетдаги ғалабагача кортда ҳаракат қилишарди.

Жуфтликлар финалида эса сўнгги ҳал қилувчи учинчи сетнинг ўрнига 10 очкогача чемпионлик тай-брейк ўйналади. Бу ўзгаришлар теннисчиларни ортиқча юкламалардан халос этади.