Ихтисослаштирилган таълим муассасалари ҳамда Олимпия ва паралимпия марказларига қабул жараёни юзасидан йиғилиш ўтказилди

Ушбу йиғилишга Ўзбекистон Бокс ва Гимнастика федерациялари масъул раҳбарлари, шунингдек ҳудудий спорт раҳбарлари, Олимпия ва паралимпия марказлари директорлари, Ихтисослаштирилган таълим муассасалари агентлигининг ҳудудий вакиллари, Бокс ва Гимнастика федерациялари ҳудудий раҳбарлари билан биргаликда марказлашган ҳолда студиядан иштирок этишди.

Йиғилишда Ўзбекистон Республикаси Президентининг 2024 йил 22 июндаги ПФ–94-сон Фармонига мувофиқ, Баҳодир Жалолов номидаги бокс, Оксана Чусовитина номидаги гимнастикага ихтисослаштирилган спорт мактаблари ҳамда Олимпия ва паралимпия марказларига 2024/2025 ўқув йили учун қабул жараёнларини самарали ташкил этиш масалалари кўриб чиқилди.

Тадбир давомида 2024/2025 ўқув йили учун қабул жараёнларини юқори даражада ташкил этиш, имтиҳон жараёнларида шаффофликни таъминлаш ва иқтидорли ёшларни жалб қилиш бўйича масъулларга тегишли кўрсатмалар берилди.