Жаҳон чемпионати. Етти шахматчимизда иккинчи ғалаба!

Нуфузли мусобақада иштирок этаётган Ўзбекистон терма жамоасининг 7 нафар аъзоси иккинчи турда иккинчи ғалабасига эришди. Тўққиз ёшлилар ўртасида Ҳумоюн Бекмуродов россиялик Радомир Жердевни таслим этди.  

Ўн беш ёшли Жавоҳир Синдаров туркиялик Бора Чилекни, 17 ёшлилар турнирида қатнашаётган Шамсиддин Воҳидов яна бир мезбон шахматчи Каган Айдинчилекни, Нодирбек Ёқуббоев жамоадоши Али Қосимовни мағлубиятга учратиб, очколарини 2 тага етказиб олди.  

Етти ёшлилар баҳсида дона сураётган Акбар Аллаберганов туркиялик Чан Симсекка, Баҳром Баҳриллаев россиялик Пётр Гришинга имкониятни бой бериб қўйди. Бу турда Зайнура Абророва техник ғалабага эришди. 

Ўн бир ёшгача шахматчилар орасида баҳсларда қатнашанаётган Афруза Ҳамдамова туркиялик Азра Курназ, 13 ёшли Умида Омонова туркиялик Эфса Буюкдан устун келди. Бугун 3-партия учрашувлари ўтказилади.