24 апр 07:52
Янгиликлар
Жаҳон чемпионати. Ҳумоюннинг зафарли одими давом этмоқда
Нуфузли мусобақада иштирок этаётган Ўзбекистон терма жамоасининг 4 нафар аъзоси мағлубиятсиз юришини давом эттирмоқда. Улардан биргина Ҳумоюн Бекмуродов бугунгача ўтказилган 6 та партиянинг барчасида ғалаба нашидасини сурди.
Бу сафар Ҳумоюн оқ доналарда ҳаракат қилиб, эронлик Амир Хесам Жалалвандни мағлубиятга учратди. Ёш гроссмейстеримиз Жавоҳир Синдаров эса ирландиялик Каниамарала Тарундан устун келди. Нодирбек Ёқуббоев қозоғистонлик Абилмансур Абдилхайирни енгди. Афруза Ҳамдамова 6-турда туркиялик Элиф Зерен Йилдизни таслим этди.
17 ёшлилар турнирида қатнашаётган Шамсиддин Воҳидов туркиялик Эмре Кирилмазни ютди. Баҳром Баҳриллаев яна бир мезбон шахматчи Кутай Сакмакдан кучли эканини исботлади. Акбар Аллаберганов озарбайжонлик Умид Аллахвердига ютқазиб қўйди.
Али Қосимов бу турда Шри-Ланка спортчиси, Умида Омонова эса қозоғистонлик дугонасини ютди. Зайнура Абророва бу турда мағлубият аламини тотиб кўрди.
Фикрлар