Жаҳон чемпионати. Жавоҳирда ғалаба, Исломбекда мағлубият

8, 10 ҳамда 12 ёшли шахматчилар ўртасида ташкил этилаётган жаҳон чемпионатида дунёнинг 100га яқин мамлакатидан истеъдодли шахматчилар иштирок этяпти.

Саккиз ёшлилар ўртасидаги мусобақада ўз имкониятини синаб кўраётган Ҳумоюн Бекмуродов 7-турда грузиялик Георги Чантурия билан дуранг ўйнади.

Ўн ёшли шахматчилар баҳсида биринчи рақам остида таснифланган Исломбек Синдоров эса қора доналарда ҳаракат қилиб, беларуслик Михаил Спижарнига ютқазиб қўйди.

Ўн икки ёшли шахматчилар мусобақасида иккинчи тартиб рақамли иштирокчи бўлган Жавоҳир Синдоров эса аксинча ғалабага эришди. У қора доналарда ўйнаб, канадалик Шоун Родригени мағлубиятга учратди.

Қизларимиздан Афруза Ҳамдамова мағлубият аламини тотиб кўрди. У оқ доналарда россиялик Олесия Власовага имкониятни бой берди. Юлия Хегай литвалик Эмилия Мисюкни таслим этди. Мафтуна Бобомуродова эса ҳиндистонлик Дарсана билан муросага келди.