15 фев 17:11
Янгиликлар

Эшкак эшиш

Жаҳон чемпионати совриндорларимиз энди харбийлар сафида ФОТО

Байдаркачиларимиз - Дилноза Раҳматова ва Нилуфар Зокирова энди спортчилик фаолияти билан параллел равишда харбийлар сафида ҳам хизмат қилишади.

Ҳар икки спортчимиз Ўзбекистон Мудофаа вазирлигида иш бошлашди. Дилноза ва Нилуфар байдарканинг икки кишилик қайиқда эшкак эшиш йўналиши бўйича 23 ёшгача бўлган спортчилар ўртасида жаҳон чемпионатининг кумуш медали соҳибалари ҳисобланишади.

Шунингдек, улар ўтган йили Индонезияда ўтказилган Осиё ўйинларида ҳам совриндорлар сафидан жой эгаллашган эди. Дилноза ва Нилуфарга Ватан олдидаги шарафли хизматларида муваффақият тилаймиз.