Жаҳон чемпионати якунланди, энг яхши натижамиз Омоновада!

Жаҳон чемпионатида юртимиз шарафини Муҳиддин Мадаминов, WFM Умида Омонова (иккиси ҳам 14 ёш), Элбек Сулаймонов (16 ёш) ҳамда Холида Намозова (18 ёш) ҳимоя қилишди.

Кеча ўтказилган сўнгги 11-тур учрашувида тўрт нафар шахматчимиздан ҳеч бири ғалаба қозона олмади. Муҳиддин Мадаминов польшалик Якуб Чизига, Элбек Намозов бразилиялик Костамилан Матеус Томиэллога имкониятни бой берди. Холида Намозова норвегиялик Мария Грейброкк, Умида Омонова эса ҳиндистонлик Сараю Велпула билан дурангга имзо чекди. 

Шу тариқа, жаҳон чемпионатида шахматчиларимиздан энг юқори натижани Умида Омонова қайд этди. Рейтинг бўйича олтинчи рақам остида сараланган аакиламиз 14 ёшли шахматчилар мусобақасида 11 имкониятдан 7 очко жамғариб, қўшимча кўрсаткичларга кўра 15-ўрин билан кифояланди. Қозоғистонлик Меруерт Камалидинова 8,5 очко билан жаҳон чемпионига айланди.