Жаҳон чемпионатига тайёргарлик масалалари муҳокама қилинди

Юртимизда илк бор ташкил этиладиган ушбу нуфузли мусобақага тайёргарлик ишлари аллақачон бошлаб юборилган. Дунёнинг юздан зиёд давлати дзюдочилари иштирокида ўтадиган жаҳон чемпионатини юқори савияда ташкил этиш, юртимизга келадиган меҳмонлар учун барча қулайликларни муҳайё этиш, уларнинг яхши таассуротлар билан қайтишлари учун ҳозирданоқ зарурий чора-тадбирлар кўрилмоқда. 

Хусусан, Ўзбекистон дзюдо федерациясида жаҳон чемпионати ишчи гуруҳининг навбатдаги мажлисида ҳам бу масалалар атрофлича муҳокама қилинди. Жаҳон чемпионатининг рамзи, тимсоли ва постери учун жўнатилган эскизлар кўриб чиқилди. Ишчи гуруҳнинг ҳар бир аъзосига зиммасига юклатилган вазифаларга масъулият билан ёндашиш лозимлиги айтилди.