Жаҳон кубоги босқичи ва “Happy Caravan” турнири якунланди

Анъанавий тарзда ўтказиладиган гўзаллик ва нафосат байрамида Ўзбекистон, АҚШ, Беларусь, Жанубий Корея, Испания, Исроил, Малайзия, Польша, Россия, Хитой, Эстония, Япония, Қозоғистон, Арманистон каби давлатлардан 100 дан ортиқ гимнастикачи ғолиблик учун баҳслашди.

Мазкур мусобақаларда гимнастикачилар яккалик ва гуруҳ баҳсларида кўпкураш ва алоҳида гимнастика предметлари ёрдамида машқ бажариш бўйича ўз имкониятларини синовдан ўтказди.

Жаҳон кубоги босқичининг алоҳида гимнастика предметлари ёрдамида машқ бажариш бўйича шахсий баҳсларда спортчимизларимиз Анастасия Сердюкова тўп ва тасмада машқ бажаришда иккита бронза медалини қўлга киритган бўлса, Елизавета Назаренкова булавада машқ бажариш бўйича учинчи ўринни эгаллади.

Анъанавий тарзда ўтказиб келинаётган “Happy Caravan” халқаро турнирининг шахсий ҳисобдаги мусобақасида ҳамюртларимиздан Нуринисо Усмонованинг арғамчи, ҳалқа ва тўп билан бажарган машқлари учта бронза медалга лойиқ топилди. Яна бир гимнастикачимиз Милана Тян булавада машқ бажаришда бронза медаль билан тақдирланди.

Ўзбекистон Миллий Олимпия қўмитаси матбуот хизмати