Жаҳон спортида яна бир шов-шувли дисквалификация рўй берди

Жанубий Кореялик таэквондо устаси Сео Гон-ву  мусобақалардан 1 йил 6 ой муддатга четлатилди.

Гап допинг-тестнинг ижобий натижаси ҳақида кетаётгани йўқ. Қоидабузарлик спортчининг допинг назорати учун кутилмаган текширувлар ўтказилишида ўзининг қаердалиги ҳақида маълумот бериб бориш мажбурияти — "whereabouts" талабларига риоя қилмагани билан боғлиқ.

Бу мунтазам равишда энг йирик мусобақаларда медаллар учун курашиб келган ва жаҳон рейтинги етакчилари қаторида бўлган 80 кггача бўлган вазн тоифасидаги энг кучли спортчилардан бири учун жиддий зарба бўлди. Сео Гон-ву Париж-2024 Олимпия ўйинларини тўртинчи ўринда якунлаганди.

Аввалроқ, ҳамюртимиз Улуғбек Рашитов ҳам худди шу сабаб билан 2027 йил май ойигача четлатилганди.