01 мар 19:06
Янгиликлар

Теннис

Жаҳоннинг 335-ракеткаси Кордовадаги турнир ғолиби бўлди

Аргентинанинг Кордова шаҳрида ўтказилаётган теннис бўйича ATP турнири кутилмаган натижа билан якунланди.

Жаҳоннинг 335-рақамли теннисчиси Хуан Мануэль Черундоло финал баҳсида ATP рейтингида 47-поғонадан жой олган Алберто Рамосни мағлуб этиб, Кордовадаги турнир чемпионига айланди.

Ўйин 1 соату 53 дақиқа давом этди ва унда рейтинги анча паст бўлган Черундоло 6/0, 2/6, 6/2 ҳисобларида ғалаба қозониб, яхшигина шов-шув кўтарди. Аргентиналик теннисчи ушбу муваффақиятли иштироки сабаб 250 рейтинг очкоси ҳамда 21,800 АҚШ долларига эга бўлди.