Жаирзиньо Розенстрайк UFC'дан кетказилганига изоҳ берди

Спортчи бу қарорга ўз муносабатини билдирди.

"2018 йил охирида мен UFC билан биринчи шартномамни имзоладим ва ақл бовар қилмайдиган саёҳатга чиқдим. Мен энг катта саҳнада чиқиш шарафига муяссар бўлдим. Йиллар давомида профессионаллиги ва қўллаб-қувватлагани учун UFC ходимларига чуқур миннатдорчилигимни билдирмоқчиман. Йилнинг энг яхши жангчисидан ММА фахрийсигача — бу унутилмас саёҳат бўлди. Гарчи бу боб ўз ниҳоясига етаётган бўлса-да, менинг ҳикоям ҳали тугамади. Мен жанг қилишни давом эттираман, янги қийинчиликларни бошдан кечираман ва тугалланмаган ишни қафасда ҳал қиламан. Мен бундан кейин нима бўлишидан қатъи назар тайёрман!" деб ёзди Розенстрайк ижтимоий тармоқлардаги саҳифасида.

Эслатиб ўтамиз, Жаирзиньо 1 февраль куни Саудия Арабистонида бўлиб ўтган UFC Fight Night 250 турнири доирасида россиялик Сергей Павловичга очколар ҳисоби билан мағлуб бўлганидан кейин ташкилотдан кетказилган эди.