29 окт 17:03
Янгиликлар
UFC камари учун собиқ даъвогар Сергей Павловичнинг рақиби маълум
Россиялик аралаш яккакураш устаси 2025 йилнинг 1 февраль куни Саудия Арабистони пойтахти Ар-Риёд шаҳрида ўтказиладиган UFC Fight Night 250 турнирида октагонга кўтарилади. Павловичнинг рақиби суринамлик Жаирзиньо Розенстрайк бўлади.
Маълумот учун, 32 ёшли Сергей Павлович икки мағлубиятли серия билан келмоқда. У аввалига биринчи раундда британиялик Том Аспиналлга нокаут билан ютқазди. Кейин эса рус дербисида Александр Волковга очколар ҳисобига кўра имкониятни бой бериб қўйди.
36 ёшли Жаирзиньо Розенстрайк эса аксинча, иккита ғалабали серия билан одимламоқда. Шамиль Газиевни техник нокаутга учратган бўлса, Таи Туивасани ҳакамларнинг айри қарори билан таслим этди. Айни пайтда Сергей Павлович UFC оғир вазнлилар рейтингида тўртинчи, Жаирзиньо Розенстрайк эса тўққизинчи ўринни эгаллаб турибди.
Фикрлар