Жами 119 та соврин ютган, 506 ҳафта рейтинг пешқадами бўлган эгизак Брайанлар фаолиятини якунлади

42 ёшли эгизаклар 22 йиллик профессионал фаолиятлари давомида жуфтлик турнирларида жами 119 та совринни қўлга киритишди. Улар 1100 дан зиёд учрашувларда ғалаба қозонишди. 

Шунингдек, Олимпиада чемпиони бўлишди. Боб жами 23 та "Катта Дубулға" турнирларида зафар қучди. Шундан 16 таси жуфтликда, 7 таси микст, яъни аралаш жуфтликда бош мукофотга эга чиқди. Майк эса 22 та (18 та жуфтлик, 4 та микст) "Катта Дубулға" турнирларида чемпионлик шохсупасига кўтарилди. .

Бундан ташқари, Майк Брайан 123 та жуфтлик турнирларида чемпион бўлиб, рекорд соҳибига айланди. Жуфтлик рейтингида 506 ҳафта давомида пешқадамлик қилди. Бу ҳам жаҳон рекорди ҳисобланади.