Жами 30 спорт курашчимиз қатнашган Осиё чемпионатини олтин медалсиз якунладик + ФОТОГАЛЕРЕЯ

Кеча қитъа чемпионатининг сўнгги куни юнон-рум кураши бўйича яна 5 та вазн тоифасида ғолиб ва совриндорлар номи маълум бўлди. Классикларнинг илк кунги беллашувларида Дониёрхон Накибов (-77 кг) ва Раҳимжон Узоқов (-87 кг) бронза медалларини қўлга киритишганди. Кечаги кун Абдулло Алиев (-72 кг) ва Муҳаммадқодир Расулов (-82 кг) ҳам бронза медалларига сазовор бўлишди.

Шу тариқа, Ўзбекистон спорт курашлари (эркин, юнон-рум ва аёллар кураши) терма жамоаси олти кунлик беллашувлар якунига кўра Осиё чемпионатини олтин медалсиз якунлади. Эркин курашчиларимиз 2 та кумуш, 1 та бронза, юнон-рум курашчиларимиз эса 4 та бронза медалига сазовор бўлишди. Аёллар кураши вакилалалари эса Ўзбекистонга қуруқ қўл билан қайтишди.  

Кумуш медаль соҳиблари:

-86 кг: Жавраил Шапиев (эркин кураш)

-92 кг: Шерзод Поёнов (эркин кураш)

Бронза медаль соҳиблари:

-79 кг: Асомиддин Ҳасанов (эркин кураш)

-72 кг: Абдулло Алиев (юнон-рум кураши)

-77 кг: Дониёрхон Набиков (юнон-рум кураши)

-82 кг: Муҳаммадқодир Расулов (юнон-рум кураши)

-87 кг: Раҳимжон Узоқов (юнон-рум кураши)