17 июн 09:23
Янгиликлар

Бокс/ММА

Жангига 12 кун қолган Иржи Прохазка бугунги спорт формасини кўрсатди + ФОТО

Яримоғир вазн тоифасида собиқ UFC чемпиони Иржи Прохазка навбатдаги жангига тайёргарликни давом эттирмоқда.

Чехиялик аралаш яккакураш устаси 30 июнь тонгида АҚШнинг Лас-Вегас шаҳрида ташкил этиладиган UFC 303 турнирининг марказий жангида бразилиялик Алекс Перейрага қарши октагонга чиқади. Иржи жангга 12 кун қолган бир пайтда қандай спорт формада эканини кўрсатди.

"Сўнгги шўнғиш. Лас-Вегас, мени қарши ол", — дея сурат остида изоҳ қолдирган Иржи.

Бу Прохазка ва Перейра учун реванш мақомидаги жанг бўлади. Алекс Перейра сўнгги жангини 13 апрель куни Лас-Вегасдаги юбилей UFC 300 турнири доирасида Жамал Хиллга қарши ўтказган ва рақибини биринчи раунддаёқ нокаутга учратганди. Иржи Прохазка ҳам айнан шу турнирда жанг қилганди. Чех сербиялик Александар Ракични иккинчи раундда техник нокаут эвазига мағлуб этган эди.