15 апр 20:26
Янгиликлар
Жасмина ва Мадина Осиё чемпионатининг кумуш медали соҳибалари
Хабар берганимиздек, бугун қитъа чемпионатида аёллар кураши вакилалари баҳсларга киришишди. Бугун бешта вазн тоифасида ғолиб ва совриндорлар номи маълум бўлди. Финал беллашувларида тўрт нафар курашчи-қизимизнинг гиламга чиқиши маълум бўлганди.
50 кг вазнда юртимиз шарафини ҳимоя қилган Жасмина Иммаева Осиё чемпионатининг олтин медали учун кечган баҳсда қозоғистонлик Валентина Исламовага ютқазди ва кумуш медалга эга чиқди.
55 кг вазндаги спортчимиз Мадина Усмонжонова ҳам Осиё чемпионатининг кумуш медали билан тақдирланди. Жасминадан фарқли равишда Мадинанинг вазнида баҳслар айлана тарзида ўтказилди ва унда Усмонжонова иккита беллашувни ўз фойдасига ҳал қилди. У сўнгги учрашувда қозоғистонлик Айша Уалишандан 4-1 ҳисобида устун келди.
59 кг вазндаги курашчимиз Дилфуза Аймбетова бронза медали учун қирғизистонлик Нурайда Анаркуловага, 68 килограммда Азода Есбергенова эса кореялик Жеонг Сунга имкониятни бой берди.
Шу тариқа, бугунги баҳсларни Ўзбекистон аёллар терма жамоаси 2 та кумуш медаль билан якунлади. Эртага қолган 5 та вазн тоифасида беллашувлар ўтказилади.
Фикрлар