26 янв 08:12
Янгиликлар

Бокс/ММА

Жастин Гэтжининг UFC'да олган бонуслари миқдори 1 миллион доллардан ошди

Кеча Лас-Вегасда бўлиб ўтган UFC 324 турнири якунларига кўра, Жастин Гэтжи Пэдди Пимблеттга қарши жанг учун "Кечанинг энг яхши жанги" бонусини қўлга киритди.

Янги қоидаларга кўра, бонуслар миқдори $100 мингни ташкил этмоқда. Илгари бу сумма $50 минг эди.

Шу тариқа, Гэтжнинги фаолияти давомида UFC бонуслари орқали ишлаб топган пуллари миқдори 1 миллион доллардан ошди.

У 2017 йилда лигада дебют қилган. Шу кунгача у UFC'да 15 та жанг ўтказган ва барча жангларида бонусга лойиқ кўрилган.

Маълумот учун, UFC 324 турниридан бошлаб яна бир қўшимча бонус жорий этилди — энди муддатидан аввал ғалаба қозонган ҳар бир жангчи гонораридан ташқари қўшимча $25 минг олади. Ушбу турнирда бешта шундай ғалаба қайд этилди.