14 окт 09:41
Янгиликлар

Таэквондо

Жасурбек Жайсунов АҚШда «President‘s CUP» турнирида чемпион бўлди

АҚШнинг Лас-Вегас шаҳрида G-2 туркумига курувчи «President’s CUP» халқаро рейтинг мусобақаси бошланди.

Мусобақада жаҳоннинг 70га яқин мамлакатидан 1500 нафардан ортиқ спортчи иштирок этмоқда. Улар орасида ўзбекистонлик таэквондочилар ҳам совринли ўринлар учун кураш олиб боришяпти.

Турнирнинг илк кунида ҳамюртимиз Жасурбек Жайсунов баҳсларга киришди. Терма жамоамиз аъзоси икки АҚШ спортчиси, Мексика ва Канада вакилларини мағлуб этиб, финалгача етиб борди. Ҳал қилувчи жангда эса бошқа бир мезбон спортчини мағлубиятга учратди ва олтин медаль соҳибига айланди.

Эслатиб ўтамиз, ушбу мусобақа орқали таэквондочиларимиз Токио 2020 Олимпия ўйинларига рейтинг очколарини жамғарадилар.