Жасурбек "Тайсон" Жўраев бир ҳафтадан кейин Тошкентда жанг қилади + ПОСТЕР

Ташкилотчилар томонидан ушбу оқшомнинг яна бир медиа жанги тасдиқланди. Поп-ММА жангчимиз Жасурбек "Тайсон" Жўраев Octagon 91 турнири доирасида қирғизистонлик Ислом Эгамбердиевга қарши октагонга чиқади. Ислом жанг олдидан 3 ғалаба ва 3 мағлубиятга эга бўлиб турибди. Жўраевда 6 ғалаба ва 2 мағлубият бор. 

"Тошкентдаги шиддатли турнирнинг медиа-жанги барча мухлисларни хушнуд этади. Қирғизистонлик жангчи жиддий тажрибага эга ва камар учун ҳақиқий даъвогарларга қарши муносиб жанглар ўтказган. Ислом ҳақиқий "йиртқичлар" билан тўқнаш келган ва ҳар доим юқори савияни кўрсатиб келган. Ортида катта қўллаб-қувватловга эга бўлган Эгамбердиев мухлисларнинг севимли жангчисига қарши чиқади ва унинг бутун "хайп"ини (машҳурлигини) тортиб олишга тайёр!

Тайсон фаолиятидаги навбатдаги синовга яқинлашяпти ва яна барчани ҳайратда қолдиришга тайёр. Жўраев лигадаги тўққизинчи жангини ўтказади. Жасурбек чуқур нокаут учун олдинга интилади ва ватандошларига унутилмас шоу тақдим этишга ҳаракат қилади", дейилади ташкилот пресс-релизида.