ЖЧ-2026 финалидаги танаффус тахминан 30 дақиқа давом этиши мумкин

Таймлар оралиғидаги танаффусда Жастин Бибер, Шакира, BTS, Мадонна, Burna Boy, венесуэлалик дирижёр Густаво Дудамель ва PS22 хори иштирокида шоу бўлиб ўтади. Унда "Улица Сезам" ва "Маппетлар" персонажлари ҳам иштирок этади.

Аввалроқ ФИФА тақдимот 11 дақиқа давом этишини маълум қилган эди, бироқ энди танаффуснинг умумий давомийлигини тахминан 20 дақиқагача оширишни режалаштирмоқда, деб хабар беради The Athletic.

The Times нашрининг ёзишича, ЖЧ финалини жонли эфирда кўрсатадиган BBC ва ITV телекомпаниялари танаффус тахминан 30 дақиқа давом этишини кутишмоқда. Дастлаб улар шоуни танаффус вақтида намойиш этиш туфайли биринчи тайм воқеаларини анъанавий таҳлил қилишга ажратиладиган вақтни қисқартиришга мажбур бўлишларидан хавотирда эдилар, аммо ҳозир уларга ҳам 11 дақиқалик тақдимотга, ҳам 15 дақиқалик таҳлилга вақт етишига ишонишмоқда.

ЖЧ-2026 биринчи финалисти Испания терма жамоаси бўлди. У Англия – Аргентина ўйини ғолиби билан учрашади.