Жек Дрэйпер Вена турнири чемпиони

Ҳал қилувчи финал учрашувида дунёнинг 18-ракеткаси бўлиб турган британиялик Жек Дрэйпер ATP рейтнгида 24-поғонада бораётган россиялик Карен Хачановни 6/4, 7/5 ҳисобида таслим этди. Инглиз теннисчиси ўзаро учрашувлардаги ҳисоб мувозанатини ҳам тиклаб қўйди - 2:2. 

Тўқсон тўрт дақиқа давом этган баҳсда иккала теннисчи ҳам 6 тадан эйс зарбасини амалга оширган. Дрэйпер фаолиятидаги иккинчи совринини қўлга киритди. Вена турниридаги муваффақиятли иштирок унга 500 рейтинг очкоси ва 461,920 евро мукофот пули келтирди. Хачанов эса 330 очко ва €248,540 қўлга киритди.