Жервонта Дэвис қидирувга берилди

Бу ҳақда спортчига нисбатан ҳибсга олиш ордери чиқарган Майами-Дейд округи полицияси хабар қилди.

Дэвис собиқ қизи (дугонаси) Кортни Росселни калтаклаш ва уни ўғирлаб кетишга уринишда айбланмоқда. Ҳодиса 2025 йил 27 октябрь куни содир бўлган.

Маълум қилинишича, Дэвис Майами-Гарденс шаҳридаги эркаклар клубига кириб, у ерда VIP-зонада официантка бўлиб ишлаган Росселга видеокамералар бўлмаган хоналардан бирида ҳужум қилган. Боксчи қизни орқа эшик орқали судраб чиқиб, автотураргоҳга олиб чиққан ва калтаклаган. Полиция кузатув камераларини кўриб чиқиб, жабрланувчининг кўрсатмаларини тасдиқлаган.