Жервонта Дэвис ва Райан Гарсия ҳам тарозидан ўтди

Кечанинг марказий жангида Жервонта Дэвис ва Райан Гарсия ўзаро тўқнаш келади. 

Боксчилар бугун жанг олдидан вазн ўлчаш маросимида иштирок этишди. 

Унга кўра, 28 ёшли Дэвис 61,28 кг, 24 ёшли Райан Гарсия эса 61,46 кг тош босди. Қайд этиш лозимки, Гарсия жанг куни яна бир марта вазн ўлчашдан ўтиши лозим. Иккинчи вазн ўлчашда унинг вазни 66,22 кг.дан ошиб кетмаслиги керак.

Эслатиб ўтамиз, ушбу жанг оқшомида ҳамюртимиз Бектемир Мелиқўзиев америкалик Габриель Росадо билан реванш жангда иштирок этади. Бектемир ва унинг рақиби жанг олдидан бир хил - 75,89 кг вазн кўрсатганлиги ҳақида аввалроқ хабар бериб ўтгандик.