02 сен 08:04
Янгиликлар

Бокс/ММА

Жей Опетайя Усик билан жанг учун супероғир вазнга кўтарилишга тайёр

Александр Усикнинг ўзи ҳам супероғир вазн тоифасига кўтарилишдан олдин биринчи оғир вазнда мутлақ жаҳон чемпиони бўлган.

Жей Опетайя айни пайтда айнан биринчи оғир вазнда жаҳон чемпиони бўлиб турибди. У украиналик жаҳон чемпиони билан жанг учун супероғир вазнга кўтарилишга тайёр эканини маълум қилди.

"Ягона инсон учун мен супероғир вазнга кўтарилишга тайёрман, бу - Александр Усик! Фақат чемпионлик жанги учун оғир вазнга кўтариламан", – деди Опетайя Boxing King Media YouTube-каналига берган интервьюсида.

Аввалроқ, биринчи оғир вазнда собиқ жаҳон чемпиони латвиялик Майрис Бриедис Александр Усикни мағлуб этиши мумкин бўлган икки боксчини айтганди. Улардан бири айнан Жей Опетайя эди, иккинчиси эса - Мозес Итаума.