22 окт 13:57
Янгиликлар

Бокс/ММА

Жейк Пол - Жервонта Дэвис жанги ғолиби нокаут ҳолатида катта бонусга эга бўлади

Видеоблогер ва боксчи Жейк Пол ҳамда мағлубиятсиз одимлаётган америкалик Жервонта Дэвис ўртасидаги жанг ғолиби нокаут ҳолатида мўмайгина пулга эга чиқади.

Бу ҳақда Жейкнинг ўзи хабар берди. Лекин Пол бонуснинг аниқ суммасини ошкор қилмади.

"Билмадим, мен бу ҳақда гапира оламанми, лекин нокаут учун жуда, ҳа яхшигина бонус тайёрлаб қўйишибди", деди Пол Double3 Coverage подкастида.

Пол ва Дэвис ўртасидаги кўргазмали мақомдаги жанг 14 ноябрь кунига белгиланган. Шу йилнинг июнь ойида Жейк кичик Хулио Сезар Чавесга қарши жангда ғалаба қозонди. Дэвис эса ҳамюрти Ламонт Роучга қарши рингга кўтарилганди. Ўша жангда дуранг натижа қайд этилган эди.