22 окт 12:27
Янгиликлар
Бошқалар
Жисмоний тарбия ва спорт университетида баскетбол бўйича мусобақа ўтказилди
Ўзбекистон давлат жисмоний тарбия ва спорт университетида Тошкент вилоятидаги умумтаълим мактаблари ўқувчилари ўртасида баскетбол бўйича “Университет кубоги” бўлиб ўтди.
Мусобақа универститет, Тошкент вилояти ҳокимлиги, Тошкент вилоятининг жисмоний тарбия ва спорт бошқармаси, халқ таълими бошқармалари билан ҳамкорлигида ташкил этилди.
Мусобақада вилоятнинг 14 та туман жамоаси таркибида жами 150 нафардан ортиқ ўқувчилар ва уларнинг мураббийлари қатнашди. Чирчиқ шаҳри ва Қибрай туманининг умумтаълим мактаблари ўқувчилари ўртасидаги финал баҳсида эса ғолиблик қибрайлик ўқувчиларга насиб этди.
Қайд этиш лозим, “Университет кубоги” Президентимиз томонидан ёшларнинг бўш вақтларини мазмунли ташкил этиш борасида илгари сурилган бешта муҳим ташаббус бўйича спортнинг бошқа турлари доирасида ҳам мунтазам ўтказиб борилади.
Ҳавола :
Манба : minsport.uz
Фикрлар